Në përvjetorin e vrasjes së deputetit, aktivistit politik dhe komandantit të Ushtrisë Çlirimtare të Kosovës, Smajl Hajdaraj, Presidentja e vendit Vjosa Osmani e ka kujtuar duke u shprehur se “Smajl Hajdaraj ishte zëri i guximit, fytyra e rezistencës dhe shpirti i një Kosove që nuk u përkul kurrë.”
Hajdaraj u vra në një pritë më 17 janar 2002. Presidentja theksoi se plumbat që i shuan jetën nuk mund të shuajnë idealin e tij dhe se drejtësia për të mbetet një obligim i patjetërsueshëm.
“Lavdi jetës dhe veprës së Smajl Hajdarajt!” tha Osmani, duke përkujtuar angazhimin e tij të palodhur për lirinë dhe sovranitetin e Kosovës.
