Në Mbretërinë e Bashkuar po kryhen kërkime për një person me fat të panjohur, i cili pa e ditur ka zotëruar një biletë me vlerë të jashtëzakonshme prej 10.6 milionë paundësh për dy muaj. Shorti i madh u hodh në tetor dhe bileta fituese u ble në lagjen Bexley të Londrës.
Ndërsa shuma prej mbi dhjetë milionë paundësh duket si diçka që kushdo do ta vinte re menjëherë, pronari i biletës ende nuk është paraqitur. Afati i fundit për të kërkuar çmimin është 180 ditë, që do të thotë se fituesi i panjohur ka afat deri më 2 prill për të paraqitur provën e pagesës.
Nëse askush nuk paraqitet deri atëherë, e gjithë shuma do të ridrejtohet në fonde për projekte të financuara nga Lotaria Kombëtare, raporton Sky News.Operatori i lotarisë Allwyn ka lëshuar një apel publik për banorët e Bexley dhe zonës përreth, duke i këshilluar të gjithë ata që kanë luajtur gjatë kësaj periudhe të kontrollojnë me kujdes portofolet, ndarjet e makinave dhe madje edhe xhepat e palltove që kishin veshur në tetor.
“Mund të mendosh se nuk je me fat, por bileta me këtë shumë prej disa milionë dollarësh po pret diku”, tha lotaria.
Tingëllon e pabesueshme që ky nuk është i vetmi çmim i “harruar”. Aktualisht po kërkohen pronarët e katër biletave të tjera fituese, vlera totale e të cilave tejkalon 3.1 milionë paund.
