Inspektorati Komunal i Mitrovicës së Jugut, në koordinim me Policinë e Kosovës, ka nisur një seri aksionesh për lirimin e trotuareve dhe hapësirave publike të zëna në mënyrë të paligjshme nga biznese të ndryshme.
Në njoftim thujet se në terren ka qenë i pranishëm edhe drejtori i Inspekcionit, Mujë Igrishta, bashkë me ekipin e inspektorëve komunalë, duke mbikëqyrur zbatimin e masave që synojnë kthimin e këtyre hapësirave në funksion të qytetarëve.
Nga Inspektorati bëhet e ditur se gjatë aksionit është hasur bashkëpunim nga ana e bizneseve, ndërsa theksohet se kontrollet dhe ndërhyrjet do të vazhdojnë edhe në ditët në vijim, në të gjitha zonat e qytetit ku janë evidentuar shkelje.
Sipas drejtorit Igrishta, këto veprime kanë për qëllim sigurimin e qarkullimit të lirë për këmbësorët dhe ruajtjen e rendit publik, duke garantuar një mjedis më të sigurt dhe më funksional për të gjithë qytetarët.
