Policia ka publikuar raportin e saj ditor për ngjarjet dhe aktivitetet gjatë 24 orëve të fundit.
Policia e Kosovës raporton se gjatë 24 orëve të fundit nuk është shënuar asnjë aksident trafiku me fatalitet, ndërsa janë regjistruar 17 aksidente trafiku me persona të lënduar dhe 37 aksidente me dëme materiale. Gjatë kësaj periudhe janë shqiptuar gjithsej 2,494 tiketa trafiku.
Në fushën e rendit dhe sigurisë publike, janë arrestuar 25 persona, prej të cilëve 20 janë dërguar në mbajtje, ndërsa nuk është evidentuar asnjë person në ndalim policor apo në vuajtje të dënimit.
Policia thekson se do të vazhdojë me zbatimin e masave ligjore për rritjen e sigurisë në trafik dhe ruajtjen e rendit publik.
