Presidenti i Serbisë, Aleksandar Vuçiç, tha sot se pjesa ruse në Industrinë e Naftës së Serbisë (NIS), e cila po blihet nga kompania hungareze MOL, vlen midis 900 milionë eurove dhe 1 miliard eurove.
“Ne i kishim përgatitur paratë dhe dy miliardë euro për të paguar. Madje edhe për të paguar më shumë se kaq”, përsëriti Vuçiç.
Ai shtoi gjithashtu se është e lehtë t’i shpjegojë vetes pse pjesa ruse në NIS nuk iu ofrua Serbisë, por nuk donte ta deklaronte publikisht, në mënyrë që, siç theksoi, të mos rrezikonte interesat e shtetit.
Vuçiç tha gjithashtu se i ishte e qartë se kjo pjesë në NIS nuk do t’i ofrohej Serbisë edhe para se të lindte kjo situatë.
Kur u pyet se çfarë lloj marrëdhëniesh ka Serbia me Rusinë tani, ai tha “të mira”.
