Drejtoria Rajonale e Mitrovicë Veri, gjatë kryerjes së detyrave të rregullta policore dhe pas informacioneve nga qytetarët, ka realizuar një aksion më 28.01.2026, ku gjatë kontrollit në një shtëpi të braktisur në lagjen Bërxhane janë gjetur dhe sekuestruar armë, municion dhe mjete të tjera ilegale.

Sipas Policisë, janë sekuestruar:

Një karikator të zbrazët për armë të gjata

Një bajonet

Shishe plastike e mbushur me saqme

Kapsula për fishek

Sasi e barutit

Një rryp brezi ushtarak

Një minë kundër këmbësorik

Pjesë për mbushje të fishekeve

Detonator për minë

Targa të automjetit të ish-Milicisë

Tre fishek të armës së gjuetisë

Trembëdhjetë (13) fishek të kalibrave të ndryshëm

Dy (2) fishek të kalibrit 12.7 mm

Dy (2) fishek të kalibrit 20 mm

Dy (2) gëzhoja të kalibrit 12.7 mm

Një xhaketë ushtarake dimërore

Një palë doreza ushtarake

Katër këmisha të Policisë së Serbisë

Policia thekson se, “pasi që në dëshmitë e gjetura është hasur material i rrezikshëm eksplozues, në vendngjarje kanë dalë Njësia për Trajtimin e Mjeteve Eksploduese (NJTME), të cilët kanë tërhequr sasinë e barutit, fisheket e kalibrave 12.7 mm dhe 20 mm, si dhe minën kundër këmbësorik me detonatorin.”

Rasti është njoftuar Prokurorit të Shtetit, i cili ka udhëzuar inicimin e tij për veprën penale: “Mbajtje në pronësi, kontroll ose posedim të paautorizuar të armëve”.

Policia thekson se nuk ka persona të arrestuar, ndërsa rasti mbetet nën hetime, dhe fton qytetarët që çdo informacion që ndihmon në ruajtjen e rendit dhe sigurisë publike ta raportojnë në numrin emergjent 192.