Nën dirigjimin e Hajrullah Sylës, koncerti realizohet me pjesëmarrjen e Korit të Teatrit Kombëtar të Operës dhe Baletit – Tiranë, të përgatitur nga dirigjenti Dritan Lumshi, Korit të Filharmonisë së Kosovës, si dhe me solistët Svetlana Aksenova (soprano), Enkeleida Shkoza (mezosoprano), Klodjan Kaçani (tenor) dhe Rubén Amoretti (bas). Koret shoqërohen nga Pranvera Hoxha (harmonium) dhe pianistët Andi Duraku dhe Lekë Salihu.

Ky koncert shënon vazhdimësinë e bashkëpunimit artistik ndërmjet Filharmonisë së Kosovës dhe Teatrit Kombëtar të Operës dhe Baletit – Tiranë.