Kryetari i Prishtinës, Përparim Rama ka njoftuar se ka marrë vendim për pezullimin nga puna të tre zyrtarëve komunal pas arrestimit të tyre nga Policia e Kosovës.
“Pezullimi nga puna do të jetë në fuqi deri në përfundimin e procedurave hetimore dhe gjyqësore, ndërkohë që ne ritheksojmë përkushtimin për ligjshmëri, transparencë dhe zero tolerancë ndaj korrupsionit”, ka shkruar ai në facebook.
Rama më tej ka thënë se komuna do të bashkëpunojë plotësisht me organet e drejtësisë dhe do të ndërmarrë të gjitha veprimet e nevojshme administrative në përputhje me ligjin.
Dje u arrestuan tre zyrtarë të Komunës së Prishtinës me dyshimet për ryshfet dhe keqpërdorim detyre. Njëri prej tyre u kap në flagrancë duke marrë ryshfet.
