Agjencia e Ushqimit dhe Veterinarisë ka njoftuar qytetarët se ka hequr nga tregu dy linja të produkteve të ushqimit për fëmijë, Aptamil.
Sipas publikimit në Facebook, arsyeja qëndron te prania e substancës Cereulide në formulën e ushqimit për fëmijë me origjinë nga Gjermania.
“Sipas njoftimit nga Autoritetet Shqiptare, është konstatuar se subjekti “Rossmann & LALA SH.P.K.” në Shqipëri ka eksportuar APTAMIL 1 PRONUTRA 800 gr. ADVANC, lot: 172911, me datë skadimi 10.11.2026, në Republikën e Kosovës për kompaninë Rossmann Kosova. Gjithashtu, pas inspektimit të depos së kompanisë Rossmann Kosova, inspektorët janë njoftuar se kompania është duke bërë tërheqjen edhe të APTAMIL PRE PROFUTURA DUO ADVA 800 gr., me nr. artikulli 405663100”, thuhet në njoftim.
