Katër të rinj të moshës 18 vjeç kanë përfunduar në pranga të policisë si të dyshuar për lëndim të rëndë trupor në ngjarjen e 1 shkurtit në Fushë Kosovë ku pas një përleshjeje një person kishte pësuar lëndime nga një mjet i mprehtë e të tjerë kishin mbetur të lënduar.
“Ngjarja ka ndodhur me datën 1 shkurt 2026 rreth orës 20:00, në rrugën “Nëna Terezë” në Fushë Kosovë, ku një nga viktimat kishte pësuar lëndime trupore nga një mjet i mprehtë, përderisa të tjerët ishin lënduar si rezultat i përleshjes. Lidhur me rastin pas veprimeve hetimore, janë identifikuar dhe janë arrestuar të dyshuari”, thuhet në njoftim.
Policia thotë se katër ndaj tyre është iniciuar një hetim dhe me aktvendim mbi ndalimin e personit të dyshuar, të nxjerrë nga ana e prokurorit të shtetit, të njëjtit janë dërguar në mbajtje prej 48 orësh.
