Gjatë ditëve të fundit, nga 11 janari deri më 22 janar të këtij viti, në stacionin policor të Mitrovicës së Veriut janë raportuar disa raste në të cilat viktima ishin vajza të reja të nacionalitetit serb. Nga ana e prokurorit rastet janë cilësuar si grabitje, vjedhje e rëndë dhe vjedhje.
Kështu ka thënë për RTKlive, zëvendësdrejtori i policisë për rajonin e veriut, Veton Elshan.
Rasti i parë ka ndodhur më 11 janar rreth orës 18:30 në rrugën, ”Knjaz Millosh”, ku viktimë ka qenë një femër e nacionalitetit serb, të cilës i është vjedhur çanta në të cilën kanë qenë 50 euro, 4000 dinarë si dhe dokumentet personale të shtetit të Kosovës dhe Serbisë.
Rasti i dyte ka ndodh më 13.01.2024 rreth orës 20:20 në rrugën ,”Knjaz Millosh”, ku viktimë ka qenë një femër e re serbe të cilës i është vjedhur çanta e krahut derisa ka qenë duke ecur rrugës e vetme. Me këtë rast të njëjtës i janë vjedhur dokumentet zyrtare.
Rasti i tretë, bënë të ditur Elshani, ka ndodh më 20 janar, rreth orës 22:25, në rrugën ‘Kral Petar’, në Mitrovicën veriore ku viktime ka qenë një femër serbe të cilës i është vjedhur çanta e krahut ku në të ka pas një telefon, një pjese të vogël të parave, si dhe dokumentet e Kosovës dhe Serbisë.
Kurse rasti i fundit ka ndodh më 22 janar, rreth orës 18:00, në rrugen ”Knjaz Millosh”, ku përsëri viktimë ka qenë një serbe e moshës së re, të cilës i është vjedhur çanta nga krahu dhe në çantë ka pas dokumentet personale të Kosovës dhe Serbisë.
“Dy persona janë arrestuar mbrëmë. i lindur më 21.02.1998. dhe S.H. i lindur më 17.03.1992 përballë Shtëpisë Shëndetësore në Mitrovicën Veriore. Gjatë intervistës ata kanë qenë bashkëpunues dhe kanë pranuar krimin, kanë ndihmuar në gjetjen e tre çanta me dokumentacion. Të dyshuarve, në konsultim me prokurorin e shtetit, u është ndaluar ndalimi deri në 48 orë”, ka thënë për RTKlive, zëvendësdrejtori i Policisë së Kosovës për rajonin verior, Veton Eljshani.
