Sulmi i fundit masiv ajror rus në Ukrainë vrau të paktën katër persona dhe plagosi rreth 60 persona, thanë zyrtarët lokalë të martën.
Sulmet me raketa herët të mëngjesit të së martës kishin në shënjestër dy qytetet më të mëdha të vendit, kryeqytetin Kiev dhe Kharkiv në lindje.
Të paktën tre persona u vranë dhe të paktën 42 u plagosën në Kharkiv në sulme në ndërtesa banimi, sipas raporteve nga policia dhe guvernatori rajonal Oleh Sinehubov . Informacionet për numrin e saktë të të vdekurve dhe të plagosurve ndryshojnë.
Ekipet e shpëtimit janë ende duke gërmuar nëpër rrënojat në kërkim të të mbijetuarve, tha kryebashkiaku Ihor Terekhov për televizionin lokal.
Zyrtarët e qytetit të Kievit thanë se rreth 20 persona u plagosën pas sulmit në tre lagje, duke shtuar se disa apartamente morën flakë në sulm dhe një person u vra.
People in Kharkiv look at their home burning down.
Will Russia say there was a NATO base in that building? pic.twitter.com/7E6NPTFlIh
— Anton Gerashchenko (@Gerashchenko_en) January 23, 2024
Reuters raporton se dëshmitarët dëgjuan disa valë shpërthimesh në dhe rreth Kievit dhe panë pjesë të djegura të ndërtesave duke rënë.
“U ndjenë shpërthime të forta, shtëpia jonë… po dridhej”, ka shkruar deputetja Irina Gerashenko në Telegram.
Një person u vra gjithashtu në qytetin juglindor të Pavlohrad, tha guvernatori rajonal.
Forcat Ajrore të Ukrainës njoftuan se ushtria shkatërroi 21 nga 41 raketat e llojeve të ndryshme të lëshuara nga Rusia.
“Bota duhet të kuptojë se ky terror mund të ndalet vetëm me forcë”, shkroi në Telegram shefi i zyrës së presidentit ukrainas Andriy Yermak.
Ndërkohë, Komanda Operacionale e Forcave të Armatosura të Polonisë njoftoi se avionët luftarakë janë ngritur për shkak të aktiviteteve të aviacionit rus.
“Dëshirojmë t’ju informojmë se kemi vënë re aktivitetin intensiv me rreze të gjatë të avionëve të Federatës Ruse, i cili lidhet me synimin për të kryer sulme ajrore në territorin e Ukrainës. Janë nisur të gjitha procedurat për të garantuar sigurinë e hapësirës ajrore polake. dhe ne po monitorojmë me kujdes situatën. Paralajmërojmë se janë aktivizuar avionë polakë dhe aleatë, gjë që mund të shkaktojë rritje të zhurmës, veçanërisht në juglindje të vendit”, njoftoi komanda e ushtrisë polake në Xu./Kosovatimes.
