Ambasadori në largim i Britanisë së Madhe, Nicholas Abbott, ka takuar ministrin e Brendshëm, Xhelal Sveçla.
Abbott tha se me Sveçlën kanë biseduar për një sërë çështjesh të sigurisë si dhe ndikimin e sulmit në Banjskë.
“Në takimin tim lamtumirës me ministrin Xhelal Sveçla, diskutuam për bashkëpunimin e fortë mes Mbretërisë së Bashkuar dhe Kosovës për një sërë çështjesh të sigurisë, si dhe ndikimin e sulmit në Banjskë. Mbretëria e Bashkuar mbështet Kosovën në përpjekjet për të hetuar sulmin dhe bën thirrje që autorët të sillen para drejtësisë”, ka shkruar Abbott në platformën ” X”. /Kosovatimes/
