Ndërmarrja Qendrore “Termoskos”, për të dytën herë radhazi do të ndajë 15 bursa për studentë të Fakultetit Teknik.
Sipas kryeshefit të NQ “Termokos”,Fisnik Osmani, këto bursa do të ndahen për drejtimet e Fakultetit të Inxhinierisë Mekanike, Fakultetit të Inxhinierisë së Ndërtimit dhe Fakultetit të Inxhinierisë Elektrike dhe Kompjuterike.
“Deri me datë 01.02.2024, studentët e Fakultetit të Inxhinierisë Mekanike, Fakultetit të Inxhinierisë së Ndërtimit dhe Fakultetit të Inxhinierisë Elektrike dhe Kompjuterike do të mund të aplikojnë për bursën të cilën e ndan NQ Termokos – për të dytin vit me radhë!
Jemi të përkushtuar të ndihmojmë studentët tanë, të cilët janë inxhinierët e ardhshëm e me të cilët do të ndërtojmë vendin tonë!
Dokumentacioni dorëzohet tek Dekanati i njësive përkatëse (FIM-FIN-FIEK)”, ka shkruar Osmani në profilin e tij në facebook. /Kosovatimes/
