Prokuroria Themelore në Prishtinë ka paraqitur kërkesë në Gjykatën Themelore në Prishtinë për caktimin e masës së paraburgimit ndaj dy të pandehurve të dyshuar për keqpërdorim të detyrës zyrtare.
Bëhet fjalë për të pandehurit D.H dhe I.I., zyrtarë të Gjykatës Themelore në Prishtinë. Një lajm të tillë e ka bërë të ditur Laureta Ulaj, zëdhënëse e Prokurorisë Themelore në Prishtinë.
“Prokuroria Themelore në Prishtinë, njofton opinionin publik se Departamenti për Krime të Rënda-Njësiti për Krime Ekonomike dhe Korrupsion me urdhër të Prokurorit të Shtetit ka ndaluar personat me inicialet D.H. dhe I.I., zyrtarë në Gjykatën Themelore në Prishtinë, për shkak se të njëjtit dyshohen se kanë keqpërdorur detyrat zyrtare, më konkretisht dyshohen se kanë kryer veprën penale “Keqpërdorimi i pozitës apo autoritetit zyrtar”, nga neni 414 i KPRK-së”, ka bërë të ditur Ulaj.
Ndërkohë, në Gjykatën Themelore në Departamentin për krime të rënda sot mbahet seanca vendimtare për rastin “53 milionëshi”.
