Ribashkimi në fushë i Cristiano Ronaldos me rivalin e vjetër, Lionel Messin, nuk do të jetë i mundshëm gjatë ndeshjes Al-Nassr – Inter Miami.
Kjo pasi skuadra arabe nuk mund të llogaritë tek portugezi i cili është lënduar më herët dhe ende është duke u marrë me rikuperimin.
Duke folur para ndeshjes miqësore, trajneri i Al-Nassr, Luis Castro, ka konfirmuar mungesën e futbollistit më të mirë të skuadrës që e drejton për takimin e të enjtes. “Ronaldo është në pjesën e fundit të procesit të rikuperimit dhe më pas do t’i bashkohet grupit. Shpresojmë që në ditët në vijim të fillojë punën me skuadrën. Ai do të mungojë nesër”, ka thënë ai në konferencën për media.
