Kryetari i AAK-së, Ramush Haradinaj, gjatë vizitës në SHBA ka njoftuar se ka takuar drejtorin për Ballkanin dhe Evropën Qendrore në Këshillin e Sigurisë Kombëtare (NSC), Jeremy Long.
Përmes një komunikate për medie bëhet e ditur se Haradinaj ka vlerësuar lart rolin e NSC-së dhe Shtëpisë së Bardhë për zhvillimin dhe perspektivën euro-atlantike të Kosovës.
“Në takim me Long vlerësova rolin e Këshillit të Sigurisë Kombëtare dhe Shtëpisë së Bardhë drejt perspektivës euro-atlantike të Kosovës për anëtarësimin në NATO”, theksoi Haradinaj.
Tutje ai shtoi se populli i Kosovës miqësinë me Amerikën e ka të përjetshme, vend ky që ndihmoi çlirimin dhe ndërtimin e shtetësisë së saj, si aleati strategjik dhe partneri më i besueshëm në çdo proces.
Haradinaj takon kongresisten Mclain, shpreh rëndësinë e miqësisë me SHBA-në
Kryetari i Aleancës për Ardhmërinë e Kosovës, Ramush Haradinaj, ka takuar anëtaren e Kongresit, Lisa Mclain, një mike e madhe e shqiptarëve në SHBA, e cila njëherësh është edhe bashkëkryesuese e Komitetit për Çështje Shqiptare në Kongresin Amerikan.
Haradinaj, në një postim në Facebook, thotë se në takim u fol për zhvillimet politike dhe temat që i lidhin dy vendet tina.
“Nder i veçantë të takohem me anëtaren e Kongresit, znj. Lisa Mclain, një mike e madhe e shqiptarëve këtu në ShBA, e cila njëherësh është edhe bashkëkryesuese e Komitetit për Çështje Shqiptare në Kongresin Amerikan. Bashkë patëm një diskutim të frytshëm për zhvillimet politike dhe temat që i lidhin dy vendet tona. Znj. McClain i shpreha falënderim të veçantë për angazhimin dhe kujdesin për vendin tonë dhe në shërbim të interesit shqiptar në ShBA”, shkruan Haradinaj.
Kreu i AAK-së, Ramush Haradinaj, ka takuar të mërkurën edhe Senatorin amerikan, Mike Rounds, nga i cili ka kërkuar mbështetjen e tij, ndaj vendit tonë në procesin e Partneritetit për Paqe dhe anëtarësimin në NATO.
