Presidenti i Republikës së Serbisë, Aleksandar Vuçiq, ka biseduar sot me kryetarin e Komitetit Ushtarak të Bashkimit Evropian, gjeneralin Robert Briger.
Ai pas takimit ka shkruar në Instagramin e tij se në bisedë ka theksuar se për Serbinë, siguria e popullit serb në Kosovë dhe Metohi është prioritet.
“Me kryetarin e #EUMC-së kam biseduar për situatën në Kosovë dhe Metohi, si dhe për forcimin e bashkëpunimit ushtarako-ekonomik dhe ushtarako-teknik ndërmjet Serbisë dhe BE-së. Theksova se për vendin tonë siguria e popullatës serbe në Kosovë dhe Metohi dhe ruajtja e paqes dhe stabilitetit në rajon janë prioritet dhe falënderova forcat ushtarake evropiane për angazhimin e tyre në këtë drejtim”, ka shkruar Vuçiq.
Vuçiq dje është takuar me ambasadorët e vendeve të Kuintit dhe ka biseduar me përfaqësues të Shtëpisë së Bardhë për situatën në Kosovë dhe me rastin e hyrjes në fuqi të rregullores së Bankës Qendrore të Kosovës, e cila përcakton qarkullimin e parave. .
