Xhudistët e shquar kosovarë, Dardan Cena dhe Akil Gjakova, vazhdojnë të shkëlqejnë në Grand Slamin e Parisit. Cena ka arritur në gjysmëfinale duke mposhtur brazilianin Vinicius Ardina në kategorinë deri në 73 kg.
Në anën tjetër, Akil Gjakova ka bërë një paraqitje të jashtëzakonshme. Pasi ka qenë i lirë në xhiron e parë, ai ka vazhduar rrugën drejt çerekfinales duke fituar me Ippon në xhiron e dytë kundër turkut Umalt Demirel. Në xhiron e tretë, Gjakova ka dominuar ndaj garuesit nga Azerbajxhani, Rashid Mammadaliyev, duke siguruar një tjetër fitore. Në xhiron e katërt, ai ka triumfuar ndaj kanadezit Arthur Margelidon me një tjetër fitore Ippon.
Në çerekfinale, Akil Gjakova do të ndeshet me garuesin nga Uzbekistani, Shakhram Akhadov.
Sot është dita e dytë e garave, ndërsa në diten e parë, xhudistja Distria Krasniqi fitoi Medaljen e Artë. Ndërkohë, Nora Gjakova ka përfunduar në vendin e pestë.
