Në thirrjen publike të gushtit të vitit 2023 për zbatimin e projektit emergjent “Zbatimi i masave të efiçiencës së energjisë për shtëpitë individuale të banimit” u përgjigjën mbi 3000 qytetarë.
Prej tyre, janë përzgjedhur 2150 dhe kanë filluar punimet e tyre në implementimin e masave siç janë izolimi i shtëpisë, ndërrimi i dritareve e dyerve të jashtme dhe izolimi i kulmit.
“Karshi këtyre dy projekteve që targetojnë familjet dhe përfituese janë direkt familjet, ne gjatë gjithë kohës prej themelimit të fondit kemi ku kemi implementuar masat e efiqiencës së energjisë në objektet publike komunale përfshi këtu shkollat, objektet komunale d.m.th kuvendet komunale, shtëpitë e shëndetit, objekte të mjekësisë familjare, salla sportive dhe janë 83 projekte që janë që janë realizuar me sukses nëpër komunat e Republikës së Kosovës dhe projekte të ngjashme do të vazhdojnë edhe këtë vit”, tha për RTK, Fillojetë Konjuhi, zëdhënëse e FKEE-së.
