Më shumë se 100 njerëz kanë vdekur nga zjarret në rajonin qendror të Kilit të Valparaiso, thanë autoritetet lokale.
Zjarri shkatërroi më shumë se 40,000 hektarë tokë, shkatërroi qindra shtëpi dhe detyroi mijëra të largohen.
Presidenti i Kilit, Gabrijel Boriç, shpalli gjendjen e jashtëzakonshme dhe njoftoi se do të vërë në dispozicion të gjitha burimet e nevojshme për zgjidhjen e situatës.
Besohet se është zjarri më vdekjeprurës i pyjeve në Kili deri më sot.
Valparaíso është një rajon bregdetar që vizitohet nga shumë turistë gjatë verës.
Ministria e Shëndetësisë bëri të ditur se edhe studentët e pakompletuar të mjekësisë do të ndihmojnë mjekët për shkak të presionit të madh në spitale.
Shërbimet e shpëtimit mezi po arrijnë në zonat më të goditura dhe ministrja e Brendshme Karolina Toha ka frikë se numri i të vdekurve është shumë më i lartë.
“Ferri”. Kështu e përshkruan situatën një 61-vjeçar, banues i El Olivarit të rrezikuar.
Rodrigo Pulgar i tha Agence France-Presse se ai u përpoq të ndihmonte një fqinj, por më pas kuptoi se shtëpia e tij kishte filluar të digjej.
“Hiri po na binte”, shtoi Pulgar.
Ai shpjegoi se shumica e banorëve të El Olivarit janë të moshuar dhe shtoi se fqinji i tij vdiq pasi nuk mund ta nxirrnin.
Ministria e Strehimit tha se nga zjarret janë prekur nga 3,000 deri në 6,000 shtëpi.
Presidenti Gabrijel Boriç tha se shtetrrethimi do të sigurojë që rrugët të pastrohen dhe në këtë mënyrë të mundësojë që automjetet e emergjencës dhe shpëtimtarët të arrijnë në zonat e prekura.
Rreth 1,400 zjarrfikës u vendosën të dielën, tha Ministri i Brendshëm në një fjalim drejtuar kombit.
Përveç shërbimeve të emergjencës, janë angazhuar edhe ushtarakë, ndërsa po hetohet për shkakun e zjarrit.
Vitin e kaluar, rajonet Biobio dhe Nuble – më në jug të Valparaíso – pësuan zjarre vdekjeprurëse pyjore, të cilat duket se po bëhen më të shpeshta dhe vdekjeprurëse.
Shikoni fotot nga Kili:
