Trajneri i Juventusit, Massimilano Allegri, pas humbjes ndaj Interit, thotë se nuk e di nëse kjo ndeshje ishte duel vendimtar për titullin e kampionit në Itali.
Torinezët mbrëmë u mundën nga Interi (1-0), në derbin e madh italian.
Allegri e pranon se Interi është skuadër shumë e fortë, por, sipas tij, Juvës i mbetet të mendoj për ndeshjet e ardhshme.
“Nuk e di nëse është ndeshja e titullit. Ne duhet të bëjmë rrugëtimin tonë”, ka thënë Allegri.
“E dinim që Interi është i fortë. Pjesa e parë ishte e bllokuar, ata gjetën golin, ndërsa ne patëm një mundësi të ngjashme në fushë të hapur me Vlahovic. Në të dytën ndeshja u hap, ishte më argëtuese për t’u parë. Gjithmonë ka një mbrëmje të keqe gjatë sezonit”, ka theksuar strategu italian.
Pas kësaj humbje, Juve mbetet katër pikë prapa liderit të tabelës, Interit.
