Kryetari i Komisionit për Punë të Jashtme të Bundestagut gjerman, Michael Roth ka thënë se BE-ja dhe ShBA-ja nuk kanë një qasje të duhur ndaj raporteve Kosovë-Serbi.
“Shumë kolegë të shquar nga Bundestagu dhe parlamentet e tjera në Evropë kanë dyshime serioze për “strategjinë” e BE-së dhe SHBA-së për të shtensionuar situatën mes Kosovës dhe Serbisë. Nuk është as e ekuilibruar dhe as e zgjuar. Është koha për një ‘Pikë të kthimit’”, ka shkruar Roth në X, duke shpërndar një postim të deputetit të Bundestagut gjerman, Boris Miajtoviq, i cili ka reaguar mbylljen e komunave ilegale në Kosovë.
Deputeti i Bundestagut gjerman, Boris Miajtoviq ka thënë se BE-ja është treguar e pandjeshme në këtë rast.
“Institucionet e drejtuara nga serbët” në Kosovë? A nuk është kjo pjesë e konfliktit të vazhdueshëm? Beogradi vazhdon të mbështesë strukturat ilegale, por ka nënshkruar disa dokumente për tërheqjen e institucioneve zyrtare. Arrita sot në Prishtinë dhe mora shumë pyetje. BE-ja është kaq e pandjeshme”, ka shkruar Mijatoviq në ‘X’.
Për mbylljen e katër komunave paralele serbe, ka nxitur reagime të shumta nga zyrtarët ndërkombëtar. Madje, BE-ja i ka cilësuar këtij si veprime të njëanshme që mund të nxisin tensione.
