Proton Cable Prizreni ka shënuar një fitore të rëndësishme në javën e 21-të të Prince Caffe Superligës.
Skuadra nga qyteti historik ka mposhtur Istogun me rezultatin 87:79 (19:14, 30:15, 20:27, 18:23).
Te prizrenasit, u dalluan Ty Cockfield, i cili shënoi 18 pikë dhe pati tetë kërcime, si dhe Arti Hajdari me një kontribut prej 20 pikësh. Ndërsa te Istogu, lojtarët Tyres Prince me 23 pikë dhe gjashtë kërcime, si dhe Desmond Halloway me 18 pikë dhe gjashtë kërcime.
Pas kësaj ndeshje, Proton Cable Prizreni gjendet në pozitën e parafundit në tabelë, ndërsa Istogu në vendin e fundit.
