Trajneri i Napolit, Walter Mazzarri, ka thënë se skuadra e tij nuk e meritoi humbjen në duel me Milanin.
“Napolitanët” u mundën mbrëmë nga ‘Rossonerët’ (1-0), të dielën mbrëma në kuadër të elitës së futbollit italian.
“Ne nga fillimi duhet të kishim luajtur se sikurse në pjesën e dytë. Pavarësisht formacionit, ne luajtëm mirë”, ka thënë Mazzarri.
Strategu italian beson se Napoli mund të kap një vend që dërgon në Ligën e Kampionëve për sezonin e ardhshëm.
“Janë edhe 15 ndeshje. Është e mundur të arrijmë në vendin e katërt. Ndaj Milanit bëmë një lojë të mrekullueshme dhe nuk e meritonim humbjen. Ne do të ‘luftojmë’ deri në fund për vendin e katërt”, ka theksuar Mazzarri.
