(Plotesuar)
Sekretari amerikan i shtetit, Antony Blinken ka arritur në aeroportin “Nënë Tereza”. Kjo është vizita e parë e sekretarit Blinken në Shqipëri.
Sipas agjendës, Blinken do të takohet me presidentin e Shqipërisë, Bajram Begaj në orën 15:05.
Pas këtij takimi, Blinken do të zhvilloj takim edhe me kryeministrin shqiptar, Edi Rama në orën 16:15.
Ndërsa pas takimeve, sekretari Blinken bashkë me kryeministrin Rama do të dalin në konferëncë para gazetarëve.
Policia e Shqiperisë ka hartuar një plan të detajuar masash, për të garantuar rendin dhe sigurinë gjatë kësaj vizite.
Poashtu, Policia ka njoftuar se në orët e mengjesit dhe të mbrëmjes disa nga rrugët e kryeqytetit do të jenë të bllokuara për qarkullim.
Për emergjenca mjekësore dhe të tjera Policia ka kërkuar nga qytetarët që të shfrytzojnë rrugë të tjera alternative dytësore, të ndryshme nga ato që do të përshkohen nga delegacioni amerikan.
Nga Tirana, sekretari Blinken do të udhëtojë drejt Konferencës së sigurisë në Mynih, të premten e 16 shkurtit.
Në kryeqytetin shqiptar janë bërë të gjitha përgatitjet. Bulevardi kryesor “Dëshmorët e Kombit” është dekoruar me flamuj amerikanë dhe me flamuj kuq e zi.
Në objektin e Universitetit të Inxhinierisë është vendosur një poster me fotografi sekretarit amerikan me mbishkrimin “Mireserdhe zotri Blinken”.
Sekretari amerikan i Shtetit, Antony Blinken, sot do të vizitojë Shqipërinë.
Tirana i ka bërë të gjitha përgatitjet për të pritur më 15 shkurt Sekretarin Amerikan të Shtetit, Antoni Blinken, numrin dy të administratës amerikane që viziton për herë të parë Shqipërinë.
Blinken do të zhvillojë një vizitë disa orëshe në Tiranë, ku do të zhvillojë një takim me kryeministrin Edi Rama dhe më pas do të mbajnë një konferencë të përbashkët për shtyp në orën 16.00-19.00.
Pjesë e takimeve të Blinken do të jetë edhe ajo me presidentin Bajram Begaj dhe me të rinjtë shqiptarë të cilët janë pjesë e programeve që SHBA financon në vendin tonë. Kjo vizitë riafirmon fuqinë e marrëdhënieve të Shteteve të Bashkuara me Shqipërinë.
Për këtë vizitë kryeqyteti shqiptar është veshur me flamujt amerikanë në rrugët ku do të kalojë Blinken, ndërsa në universitetin Politeknik të Tiranës është vendosur një banderolë e madhe me mbishkrimin “Mirë se vjen zoti Blinken”.
Sekretari Blinken ka zgjedhur Shqipërinë mes vendeve të tjera të Ballkanit Perëndimor për të përcjellë jo vetëm mesazhet e Departamentit të Shtetit, por gjithashtu pritet të rikonfirmohet mbështetja për vendin në fushat e mbrojtjes dhe sigurisë kibernetike.
