Greqia legalizoi martesën e të njëjtit gjini dhe të drejtat e barabarta prindërore për çiftet e të njëjtit seks. Ky vendim është marrë të enjten, përmes një projektligji që ka përçarë shoqërinë greke dhe ka tërhequr kundërshtimin e ashpër nga Kisha e fuqishme Ortodokse e këtij vendi.
Megjithëse Greqia u bë vendi i 16-të i Bashkimit Evropian që lejon martesat e të njëjtit seks, është vendi i parë i krishterë ortodoks që miraton një ligj të tillë. Vendi zgjeroi partneritetin civil për çiftet e të njëjtit seks në vitin 2015, por nuk kishte arritur të zgjeronte të drejtat e barabarta prindërore, raporton NYTimes.
Kryeministri Kyriakos Mitsotakis, ishte zotuar të miratonte masat e reja pas rizgjedhjes së tij vitin e kaluar. Ai i tha kabinetit të tij, muajin e kaluar, se martesa e të njëjtit seks ishte një çështje e të drejtave të barabarta, vuri në dukje se legjislacion i ngjashëm ishte në fuqi në më shumë se 30 vende të tjera dhe tha se nuk duhet të kishte “qytetarë të klasit të dytë” ose “fëmijë të një Zoti më të vogël”.
