Presidentja e Kosovës, Vjosa Osmani, në 16-vjetorin e pavarësisë, ka pranuar telegram urimi nga Presidenti i Turqisë, Rexhep Taip Erdogan.
Në letrën e tij, Presidenti Erdogan ka shprehur besim të plotë se marrëdhëniet miqësore mes Turqisë dhe Kosovës, do të vazhdojnë të zhvillohen.
“Kam besim të plotë se marrëdhëniet miqsore mes Turqisë dhe Kosovës, të cilat e marrin fuqinë e tyre nga lidhjet historike, ekonomike, humanitare dhe kulturore, do të vazhdojnë të zhvillohen. Marrja e Komandës së KFOR-it këtë vit është një tregues konkret i rëndësisë që i kushtojmë paqes dhe stabilitetit si në Kosovë ashtu edhe në rajon dhe përpjekjeve tona në këtë kontekst”, thuhet mes tjerash në urimin e Presidentit Erdogan.
