Ambasadori i Gjermanisë në Kosovë, Jorn Rohde, ka uruar 16-vjetorin e Pavarësisë së Kosovës përmes një postimi në platformën X. Ai me këtë rast edhe një herë ka shprehur mbështetjen gjermane për shtetin tonë.
“Të jeni të sigurt se Gjermania do të vazhdojë të jetë mike e ngushtë dhe partnere e fuqishme në rrugën tuaj drejt integrimit euroatlantik”, ka thënë Rohde.
Urime për 16-vjetorin e pavarësisë ka pasur edhe nga ambasadori amerikan Jeffrey Hovenier, i cili e ka shpërndarë edhe deklaratën e Sekretarit të Shtetit, Antony Blinken.
“Urime popullit të Kosovës, që sot festoni përvjetorin tuaj të gjashtëmbëdhjetë si një demokraci sovrane, e pavarur, multietnike”, ka shkruar Hovenier.
