Një banesë në lagjen Mati1 në kryeqytet është përfshirë sot pasdite nga zjarri.
Këtë e ka konfirmuar për RTKlive, zëdhënësja e Policisë së Kosovës në rajonin e Prishtinës, Flora Ahmeti. Sipas saj nuk është raportuar për ndonjë person të lënduar.
“Sot rreth orës 17:00, kemi pranuar informatën për një incident zjarri në lagjen Mati 1, në Prishtinë, ku nga zjarri është përfshirë një banesë.
Në vendngjarje kanë dalë zjarrfikësit dhe policia të cilët po merren me rastin.
Nuk është raportuar për ndonjë person të lënduar”, ka thënë Ahmeti.
