Në ceremoninë e lamtumirës për Alexei Navalny morën pjesë ambasadorët e Bashkimit Evropian dhe të Shteteve të Bashkuara, duke përfshirë ambasadoren amerikane Lynn Tracy, zëvendësambasadori britanik Tom Dodd, ambasadori francez Pierre Levy, ambasadori gjerman Alexander Lambsdorf dhe ambasadorja kanadeze Sarah Taylor. Këtë e ka bërë të ditur Ambasada e SHBA-së .
“Alexey Navalny mbetet një shembull i ndritshëm i asaj që Rusia mund dhe duhet të jetë,” tha ambasada në një deklaratë. “Vdekja e tij është një kujtesë tragjike e gjatësisë deri në të cilën Kremlini do të shkojë për të heshtur kritikët e tij. Zemrat tona janë me familjen e tij, miqtë, mbështetësit dhe të gjithë ata që ai frymëzoi për të punuar për një të ardhme më të ndritshme.”
Isha thellësisht i prekur nga pjesëmarrja e kaq shumë njerëzve në Moskë,” komentoi ambasadori gjerman Alexander Count Lambsdorff për funeralin e Navalny në një intervistë për BILD. “Sot pamë një Rusi të ndryshme, humane, e cila ekziston dhe dëshiron lirinë dhe paqen”.
Dy javë më parë, pas lajmit për vdekjen e Navalny në koloni, ambasadorja e SHBA-së në Rusi, Lynn Tracy vendosi lule në gurin Solovetsky në Moskë, ku qytetarët krijuan një memorial spontan në kujtim të Navalny. Ambasadori britanik në Rusi Nigel Casey vendosi gjithashtu lule në gurin Solovetsky. /kosovatimes/
