Një anije filipinase u dëmtua dhe katër anëtarë të ekuipazhit u plagosën në një përplasje me një anije kineze në Detin e Kinës Jugore, thanë autoritetet filipinase.
Roja bregdetare kineze dhe anijet e tjera u angazhuan në “manovra dhe bllokada të pasigurta” dhe shkaktuan përplasjen “e cila rezultoi në dëmtime të vogla në anijen e Rojës Bregdetare Filipine”, shkroi një oficer i Rojës Bregdetare Filipine në rrjetin social X.
Anijet filipinase ishin në një operacion rotacioni dhe furnizimi për Forcat e Armatosura të Filipineve.
Kina pretendon pothuajse të gjithë Detin e Kinës Jugore, duke përfshirë ujërat dhe ishujt në brigjet e disa vendeve fqinje, pavarësisht një vendimi të gjykatës ndërkombëtare të vitit 2016 se pretendimeve të Pekinit u mungonte baza ligjore.
