Pasditen e sotme, një zjarr i madh ka rënë në një zonë industriale pranë qytetit rus të Shën Petersburg. Pamjet që tregojnë zjarrin dhe një re të madhe tymi janë përhapur në rrjetet sociale .Siç raportoi Ukrainian Pravda, aeroporti Pulkovo u mbyll dhe zjarri përfshiu edhe hangarin. Zjarri u përhap në një sipërfaqe prej rreth 1000 metrash katrorë. Autoritetet lokale pretendojnë se një dron ukrainas është rrëzuar në atë zonë. Sipas autoriteteve lokale, një hangar mori flakë përgjatë autostradës Volkon në Rajonin e Leningradit.
Ministria ruse e Situatave të Emergjencave njoftoi se dy persona janë lënduar nga zjarri. Agjencia Federale Ruse e Transportit Ajror njoftoi se në aeroportin Pulkovo që nga ora 17:00 janë vendosur një sërë kufizimesh për shkak të sigurisë së avionëve civilë. Zjarri më vonë u vu nën kontroll dhe kufizimet për Pulkovo u hoqën.
Portali i pavarur Baza raportoi se kufizime u vendosën në aeroport për shkak të një tentative sulmi me dron në një fabrikë prodhimi në Shën Petersburg.
