Ushtruesi i Detyrës së Kryeprokurorit të Shtetit, Besim Kelmendi, ka pritur në takim pune Ambasadoren e Mbretërisë së Holandës në Kosovë, Carin Lobbezoo.
Gjatë këtij takimi, U.D. Kryeprokurori i Shtetit dhe Ambasadorja Holandeze kanë diskutuar lidhur me çështjet që përfshijnë fushën e sundimit të ligjit, përkatësisht angazhimin e institucionit të Prokurorit të Shtetit në luftimin e korrupsionit.
Po ashtu temë e diskutimeve të përbashkëta ishin edhe sfidat e përditshme të punës se prokurorëve, ecuria e reformave që dalin nga deklarata e përbashkët e zotimit e institucioneve të drejtësisë, mundësia e mbajtjes së programeve të trajnimit për prokurorë dhe çështje tjera profesionale me interes të përbashkët.
Në fund, U.D. Kryeprokurori i Shtetit, z. Besim Kelmendi, ka falënderuar Ambasadoren e Mbretërisë së Holandës, znj. Carin Lobbezoo, për ndihmën që ky shtet e ka dhënë dhe vazhdon ta jep në mënyrë të vazhdueshme për sistemin prokurorial të Republikës së Kosovës. /Kosovatimes/
