Kryetari i Pejës, Gazmend Muhaxheri, ka pritur të dërguarin e posaçëm të ShBA-së për Ballkanin Perëndimor, Gabriel Escobar.
Ai, përmes një shkrimi në Facebook, ka bërë të ditur për takimin e tij me Escobar-in dhe ambasadorin e ShBA-së në Kosovë, Jeffrey M. Hovenier, me të cilët ka biseduar për proceset integruese të Kosovës bashkë me Shtetet e Bashkuara të Amerikës.
“Isha i nderuar, që bashkë me ekipin tim të isha nikoqir i takimit të z.Gabriel Escobar, i cili ishte i shoqëruar nga ambasadori i ShBA-së në Republikën e Kosovës, shkëlqesia e tij Jeffrey M. Hovenier, me bashkëpunëtorë. Gjatë takimit me theks të veçantë nga të dyja palët është vlerësuar jetik rrugëtimi i përbashkët në proceset integruese të Kosovës bashkë me Shtetet e Bashkuara të Amerikës”, ka shkruar Muhaxhiri. /Kosovatimes/
