Nënkryetari i LDK-së, Lutfi Haziri, ka kritikuar qeverinë aktuale lidhur me raportet me ShBA-të.
Këto kritika pasuan deklaratën e përfaqësuesit special të ShBA-ve Escobar, i cili ka qenë kritik ndaj qeverisjes aktuale.
“Deklarata e emisarit amerikan z. Escobar, në përfundim të vizitës, ka zbardhur pikën më të ulët të raporteve që ka sot qeveria e Kosovës e kryeministri i saj, me qeverinë amerikane, partnerët e saj, NATO-n, me BE-në dhe me fqinjtë e saj. Qeveri jo-kompetente, e cila nuk planifikon efektet e vendimit të saj. Në një vend demokratik, nëse qeveria nuk bie me dorëheqje, bie në forma të tjera!”, tha Haziri. /Kosovatimes/
