Shtëpia e Bardhë njoftoi sot se çdo sulm ndaj infrastrukturës amerikane do të marrë një përgjigje adekuate.
Këtë e bëri të ditur zëdhënësi i Shtëpisë së Bardhë, John Kirby, në përgjigje të deklaratës së sotme të zyrtarit të lartë të Ministrisë së Jashtme ruse, Konstantin Vorontsov, i cili tha se satelitët komercialë nga ShBA dhe aleatët e saj mund të bëhen një objektiv legjitim, nëse ato vende vendosin të ndërhyjnë në luftën në Ukrainë.
Kirbi deklaroi se kjo përgjigje do të jetë proporcionale me kërcënimin ndaj infrastrukturës së tyre, raportoi Reuters.
“Është Rusia ajo që provokon dhe krijon situata të rrezikshme me agresionin e saj në rajon. Ne do të vazhdojmë të mbështesim Ukrainën. Ne ishim shumë të hapur dhe të sinqertë për këtë. Asgjë nuk do të ndryshojë në qasjen tonë”, shtoi Kirby./Kosovatimes/
