Presidenti rus Vladimir Putin e quajti për herë të parë me mbiemrin politikanin e opozitës Alexei Navalny, duke komentuar vdekjen e tij në koloninë penale Yamal në një konferencë shtypi në Gostiny Dvor në Moskë.
Putin e quajti vdekjen e liderit të opozitës një “ngjarje të trishtuar” dhe konfirmoi se ai diskutoi shkëmbimin e tij me kushtin që Navalny të mos kthehej në Rusi.
“Kishte një ide për të shkëmbyer Navalny me ata që janë në vendet perëndimore. Unë rashë dakord, ne donim ta shkëmbenim që të mos kthehej, por kjo ndodh, kështu është jeta,” tha Putin.
“Kemi pasur raste të tjera kur njerëz në vendet e privimit të lirisë kanë ndërruar jetë. Por a nuk ka ndodhur kjo në Shtetet e Bashkuara?”, theksoi Putin.
Navalny vdiq më 16 shkurt në koloninë e regjimit special të Ujkut Polar. Në përfundimin për vdekjen e tij thuhet se politikani ka vdekur për shkaqe natyrale. Mbështetësit e politikanit besojnë se ai është vrarë./Kosovatimes/
