Ambasadori i Shteteve të Bashkuara të Amerikës, Jeff Hovenier ka organizuar një pritje për ndihmëssekretarin e Byrosë Ndërkombëtare për Narkotikë dhe Sundim të Ligjit të ShBA-ve, Todd D. Robinson dhe përfaqësuesit e drejtësisë dhe shoqërisë civile në Kosovë.
“Ishte kënaqësi që mirëprita zyrtarë të qeverisë, përfaqësues të drejtësisë dhe shoqërisë civile, dhe partnerët e @StateINL në pritje për t’u takuar dhe folur me ndihmëssekretarin Todd Robinson gjatë vizitës së tij në Kosovë. Krenar për punën që po bëjmë së bashku për të avancuar sundimin e ligjit në Kosovë”, ka shkruar Hovenier në rrjetin shoqëror X.
Kujtojmë se Robinson ka arritur mbrëmë për një vizitë në Kosovë. Takimi i parë i zyrtarit amerikan ishte pikëkalimi kufitar Kosovë-Shqipëri në Vermicë, ku diskutoi për rolin jetik të bashkëpunimit kufitar në luftimin e krimit të organizuar dhe trafikimit transnacional.
