Komisioni për Administratë Publike dhe Media ka shqyrtuar raportin vjetor të RTK-së për vitin 2022, ku me 6 vota për ky raport i dërgohet për seancë plenare të Kuvendit të Kosovës.
Valon Ramadani, kryetar i Komisionit për Administratë Publike dhe Media, ka thënë që të analizohen mundësitë që në një afat sa më të shpejtë RTK të ketë një objekt të përhershëm që i plotëson kushte te funksionimit të televizionit publik.
“Qeveria e Kosovës në koordinimin me Bordin e RTK-së t’i analizojë mundësit që në një afat sa më të shpejtë RTK të ketë një objekt të përhershëm që i plotëson kushte te funksionimit të televizionit publik”, tha Ramadani, derisa shtoi që komisioni ka rekomanduar që raporti vjetor i RTK-së për vitin 2022 të miratohet, ku me 6 vota për ka marrë miratimin.
