Ministri i Shëndetësisë, Arben Vitia, ka nënshkruar marrëveshje me ambasadorin e Zvicrës në Kosovë, Jürg Sprecher, për investimin prej mbi 6 milionë frangash zvicerane.
Sikundër ka bërë të ditur përmes rrjetit social ‘Facebook’, ministri Vitia, kjo marrëveshje është e dedikuar për kujdesin parësor shëndetësor.
“Kontributi zviceran është një grant prej 6,450,000 frangave zvicerane dhe do të përdoret për zbatimin e Projektit së bashku me Ministrinë e Shëndetësisë. Me këtë projekt përfiton kujdesi parësor shëndetësor në të gjitha komunat e Kosovës”, ka shkruar Vitia.
Ai mի tej bëri të ditur se prioritet i përbashkët mbetet përmirësimi i shëndetit të qytetarëve, me fokus nevojat e pacientëve, e veçanërisht shëndetin e grupeve të cenueshme.
“Vazhdon puna në krijimin e kushteve sa më të favorshme dhe një sistemi të qëndrueshëm në kujdesin shëndetësor”, ka shkruar në fund ministri Vitia. /Kosovatimes/
