“Elementi i pestë në Beograd”: Klix për njoftimin “bizar” të Vuçiqit

Filmi kult i Luc Besson “Elementi i pestë”, ku taksitë dhe makinat fluturuese fluturojnë mes ndërtesave në Nju Jork, mund të bëhet realitet në Beograd, të paktën ky është plani i presidentit serb Aleksandar Vuçiq.

Duke folur për temat e diskutimit në takimin e ardhshëm me presidentin francez Emmanuel Macron të hënën, Vuçiq përmendi zhvillimin e një “taksije fluturuese” përveç termocentraleve, sektorit të IT-së dhe aeroplanëve, shkruan portali i Sarajevës Klix .

“Ajo që është e rëndësishme për ne, kinezët dhe francezët janë të vetmit të aftë për atë që është qëllimi ynë, që është të kemi taksi dhe vetura fluturuese në Beograd për EXPO 2027 dhe kjo do të jetë një nga temat”, tha Vuçiq.

Ai shtoi se mund të bëhet realitet së shpejti, tashmë pas tre vjetësh.

“Pavarësisht se sa e çuditshme mund t’ju ​​duket juve apo mua, ne do të bëjmë çmos që të jemi të parët apo të dytët në Evropë që do të prezantojmë taksitë fluturuese deri në vitin 2027”, shtoi Vuçiq.

Komentet e njoftimeve të tilla të Vuçiqit janë të ndryshme, nga tallje deri në indinjatë sepse po injorohen problemet reale të qytetarëve të Serbisë.

“Dhe 3/4 e Serbisë nuk ka ujëra të zeza….në Beograd ujërat e zeza derdhen direkt në lumenj, e ai flet për makina fluturuese…. shtëpia digjet, gjyshja krih flokët”, është një nga komentet në rrjetet sociale.

Të tjerët ishin të fokusuar në “problemet praktike” që do të kishin qytetarët e Beogradit.

“Ku do të zbresin ato objekte fluturuese?” A do të ndërtojë pista në miniaturë në të gjithë qytetin? Po sikur të rrjedhin vaj ose benzinë ​​në kokën e banorëve gjatë fluturimit? Si do të zbresë një taksi fluturuese para shtëpisë time, kur ka pemë?”, thuhet në komentin e një qytetari të Beogradit.