Manchester City ka shënuar fitore në ndeshjen hapëse të xhiros së 31-të në Ligën Premiere. Kampioni aktual mposhti në “Slehurst Park” të Londrës Crystal Palace-n, me rezultat 4:2.
Pas kësaj fitoreje, Manchester City barazoi pikët me Liverpoolin në tabelë, por “të kuqtë” do të luajnë nesër derbin me Manchester United.
Skuadra e Pep Guardiolës pa shumë telashe dhe falë Kevin De Bruyne arriti të fitojë në Londër.
Pas vetëm tre minutash lojë, Jean-Philippe Mateta tronditi mysafirët nga Etihad. City u kundërpërgjigj 10 minuta më vonë kur De Bruyne shënoi golin e parë nga dy sosh. Që në fillim të pjesës së dytë avantazhin për “qytetarët” e dha Rico Lewis, teksa fitoren e vulosën në minutat e 66 dhe 70 me golat e Haaland dhe De Bruyne.
Në fund të ndeshjes, në minutën e 86-të, Eduard shënoi golin e dytë për Crystal Palace.
City, me një ndeshje më shumë se Liverpooli dhe Arsenali, tani ka 70 pikë, po aq sa Liverpooli, ndërsa Arsenali ka dy pikë më pak dhe luan sot kundër Brighton.
