Kanë përfunduar tri ndeshjet e Superligës, të vlefshme për xhiron e 28-të.
Drita ka arritur të shënojë fitore në derbin ndaj Llapit.
Ndeshja përfundoi me rezultat minimal 1-0 në stadiumin “Zahir Pajaziti” në Podujevë.
Golashënuesi ishte Blend Baftiu që realizoi në minutën e 42-të.
Me këtë fitore, Drita e sheh vetën në vendin e tretë me 54 pikë aq sa ka edhe Llapi në vendin e dytë.
Fitore ka shënuar edhe Ballkani ndaj Lirisë.
Kampionët në fuqi triumfuan me rezultat komod 2-0, ku realizuesi i parë ishte Nazmi Gripshi në minutën 71-të, dhe Edvin Kuç (90+2’).
Ballkani rimerr kreun e tabelës me 56 pikë, kurse Liria mbetet e fundit me dhjetë pikë gjithsej.
Pa gola ka përfunduar ndeshja Feronikeli ‘74 – Prishtina.
Pas këtij barazimi, Prishtina është e pesta me 40 pikë kurse Feronikeli ‘74 ka 30 pikë në pozitën e tetë.
