Policia e Kosovës ka njoftuar se ka vdekur 68-vjeçarja që u godit mbrëmë nga motoçiklisti në lagjen `Kalabria`, ndërkaq ngasësi i motoçikletës është në kërkim nga policia.
Në njoftim thuhet se në këtë aksident kanë qenë të përfshirë një këmbësore dhe një motoçikletë.
Si pasojë e aksidentit, lëndime të rënda trupore ka pësuar këmbësorja e cila nuk ka arritur t’i përballojë plagët dhe ka ndërruar jetë.
“Vdekjen e viktimës N. L., femër, 68 vjeçe, e ka konfirmuar sot rreth orës 07:30 ekipi mjekësor në QKUK”, ka njoftuar Policia e Kosovës në rrjetin social “Facebook”.
“Aktualisht policia ka nisur një hetim për zbardhjen e rrethanave që kanë çuar deri te ky aksident trafiku, ndërkohë që ngasësi i motoçikletës është në kërkim nga policia”, thuhet në njoftim.
