Më shumë se 2200 ushtarë dhe 135 anije detare dhe lumore, avionë dhe automjete po marrin pjesë nga sot deri më 21 prill në stërvitjen e quajtur “Mburoja e Detit” në brigjet e Detit të Zi dhe deltës së Danubit në Rumani, në të cilën 13 shtete anëtare të NATO-s dhe partnerët marrin pjesë.
Stërvitjet nisën mëngjesin e sotëm në portin rumun të Konstancës. Rumania, Bullgaria, Franca, Gjeorgjia, Greqia, Italia, Britania e Madhe, Moldavia, Holanda, Polonia, Portugalia, Turqia dhe SHBA-të marrin pjesë në stërvitje, njoftoi agjencia Ađerpres.
Qëllimi i stërvitjeve është përgatitja për luftën kundër veprimtarive të paligjshme në det dhe në tokë, kërkimin dhe shpëtimin në det dhe garantimin e sigurisë së infrastrukturës kritike, tha marina rumune.
Në njoftim thuhet se “Mburoja e Detit 24” është trajnimi më kompleks i zhvilluar nga Marina Rumune këtë vit.
