Emisari Special i Bashkimit Evropian (BE) për dialogun midis Kosovës dhe Serbisë, Mirosllav Lajçak, takoi në Varshavë zëvendësministrin e Punëve të Jashtme të Polonisë, Marek Prawda, të cilin e njoftoi për gjendjen aktuale në procesin e dialogut për normalizimin e marrëdhënieve.
“Unë pata një takim të shkëlqyer me nënsekretarin polak të shtetit, Marek Prawda, në Varshavë. Ofrova një pasqyrë të zhvillimeve më të fundit në rajon dhe një përditësim mbi gjendjen aktuale në dialog. Mirënjohës për interesin e Polonisë në Ballkanin Perëndimor dhe mbështetjen mbi përpjekjet e BE-së”, ka shkruar ai në ‘X’.
Ndryshe Përfaqësuesi i veçantë i Bashkimit Evropian për dialog Miroslav Lajçak do të largohet nga ky post në fund të muajit gusht. Lajçak pritet të emërohet për ambasador të BE-së në Zvicër, post të cilin sipas të gjitha gjasave do ta ushtrojë nga shtatori. /Kosovatimes/
Had an excellent meeting with Undersecretary of State Marek Prawda in Warsaw. Gave an overview of the latest developments in the region and an update on the state of play in the Dialogue. Grateful for Poland’s interest in the Western Balkans and support to our efforts. pic.twitter.com/pNWoaGecv5
— Miroslav Lajčák (@MiroslavLajcak) April 9, 2024
