Gjashtë persona kanë mbetur të lënduar si pasojë e një aksidenti që ka ndodhur sot në fshatin Klinafc të Klinës.
Lajmin e ka konfirmuar policia, teksa të lënduarit janë transportuar në Spitalin Rajonal të Pejës për trajtim mjekësor.
“Rreth orës 14:50, policia është informuar se në fshatin Klinafc – Klinë, ka ndodhur një aksident trafiku. Në këtë aksident ishin të përfshira dy vetura dhe si pasojë e aksidentit 6 persona kanë pësuar lëndime trupore. Të njëjtit janë dërguar në Spitalin Rajonal në Pejë për tretman mjekësor, derisa rasti është duke u hetuar nga hetuesit e Njësitit Rajonal të Komunikacionit Rrugor DRP Pejë”, ka thënë zëdhënësi i policisë në rajonin e Pejës, Driton Rugova.
