Gazetarja e Radio Televizionit të Kosovës (RTK), Venera Xhoxhaj-Adili, ka marrë çmimin e “Gruaja e Guximshme” për vitin 2024. Këtë çmim Venerës, në një ceremoni të veçantë ia ndau ambasadori amerikan në Kosovë, Jeff Hovenier, i cili e uroi gazetaren e RTK-së për guximin e treguar gjatë protestave të dhunshme në veriun e Kosovë gjatë vitit të kaluar.
Sipas njoftimit për media lëshuar nga Ambasada e ShBA-së, thuhet se çmimi “Gruaja e Guximit-Ambasadore” i ndahet Venera Xhoxhaj-Adili për guximin e jashtëzakonshëm dhe ndjekjen e palodhshme të së vërtetës përballë rreziqeve të sigurisë gjatë protestave të dhunshme në veri të Kosovës.
Gjithashtu çmimi i ndahet, për mbrojtjen e lirisë së shtypit dhe mbështetjen e kolegëve gazetarë dhe punën e saj për vendosmërinë e saj në ngritjen e zërave shpesh të heshtur si kampione e transparencës dhe llogaridhënies për demokracinë multietnike të Kosovës.
E ambasadori amerikan ka shkruar edhe në platformën X për këtë rast.
“Venera Xhoxhaj Adili ka qenë e patrembur në ndjekjen e saj për të raportuar të vërtetën – edhe përballë kërcënimeve fizike. Krenar që e njoh punën e saj në mbështetje të ndërgjegjësimit për komunitetet e margjinalizuara anembanë Kosovës dhe, së fundmi, raportimin për protestat e dhunshme në qershor të vitit të kaluar. Faleminderit, Venera, për përpjekjet tuaja.
Venera Xhoxhaj Adili has been fearless in her pursuit of reporting the truth – even in the face of physical threats. Proud to recognize her work in support of raising awareness for marginalized communities across Kosovo and, more recently, reporting on violent protests in June of… pic.twitter.com/KE9vaCfNa9
— Ambassador Jeff Hovenier (@USAmbKosovo) April 12, 2024
