Presidenti i Shqipërisë, Bajram Begaj, ka theksuar se Shqipëria në të gjitha proceset për anëtarësime e ka për detyrë të jetë avokate e mirë për Kosovën.
Pas takimit që pati me presidenten Vjosa Osmani, Begaj ka thënë se është shpresëplotë që nesër do të ketë votim të suksesshëm në Këshillin e Evropës.
Ai po ashtu ka deklaruar se marrëdhëniet ekonomike duhet të zhvillohen, dhe politika e jashtme e dy shteteve është e linjëzuar me atë evropiane dhe euroatlantike.
“Marrëdhëniet midis dy shteteve unë nuk do ti quaja shumë të mira politikisht, por janë marrëdhënie siç duhet të jenë. Janë jashtëzakonisht të mira dhe vëllazërore. Është e rëndësishme që të punojmë për popullin tanë. Marrëdhëniet ekonomike duhet të zhvillohen. Politika jonë e jashtme është e linjëzuar me atë evropiane dhe euroatlantik. Shqipëria e ka për detyrë që të jetë avokate e mirë e Kosovës për njohje të reja dhe anëtarësime në organizata ndërkombëtare. Jam shpresë plotë që nesër do të kemi votim të suksesshëm në Këshillin e Evropës”, ka thënë Presidenti Begaj.